Айни пайтда Тошкент давлат стоматология институти Самарқанд филиалига 2015/2016-ўқув йили учун абитуриентлардан ҳужжатлар қабул қилинмоқда. Бу ҳақда «Зарафшон» газетасига таяниб, «Uz24.uz» хабар бермоқда.
Ўтган ўқув йилида филиалга бакалавр йўналиши учун 40 та ўрин ажратилган бўлса, янги ўқув йилидан ўринлар яна 10 тага кўпайди (14 та давлат гранти, 36 та тўлов шартнома асосида). Шунингдек, ортопедик, терапевтик, хирургик, болалар стоматологияси ҳамда юз-жағ хирургияси мутахассисликлари бўйича 6 та ўрин магистратура учун ажратилган.
Таъкидлаш жоиз, 2014 йил 22 июлда Ўзбекистон Президентининг «Тошкент давлат стоматология институтини ташкил этиш тўғрисида»ги қарори қабул қилинган. Унга кўра, Андижон, Бухоро ва Самарқанд тиббиёт институтларининг стоматология факультетлари, Тошкент педиатрия институти Нукус филиалининг стоматология факультети негизида Тошкент давлат стоматология институтининг республика минтақаларидаги филиаллари ташкил этилди.
Самарқанд филиали учун алоҳида бино 2016 йилда қурилади. Ҳозирда талабалар Самарқанд давлат тиббиёт институти биносида таҳсил олмоқда.
Изоҳ (0)