АҚШ Миллий хавфсизлик агентлиги (МХА) узоқ вақт давомида нафақат Германия канцлери Ангела Меркелни, балки бир қатор вазирликлар раҳбарлари, идоралар статс-секретарлари ва бошқа юқори мартабали сиёсий арбобларни ҳам кузатиб борган. Бу ҳақда, WikiLeaks маълумотларига асосланиб, «Ведомости» хабар бермоқда.
Америка махсус хизматларининг 2010—2012 йиллардаги рўйхатларида, жумладан, Германия молия вазирлиги телефон ва факси рақамлари ҳам бор. Бу даврда вазирликка дастлаб Райнер Брюдерле, кейинроқ эса Филипп Реслер раҳбарлик қилган.
WikiLeaks маълумотларига кўра, кузатув ишлари камида 1990 йиллардан олиб борилган. Süddeutsche Zeitung газетасининг қайд этишича, МХА 1999 йили собиқ молия вазири Оскар Лафонтеннинг телефонини эшитиб борган.
ОАВ маълумотларига кўра, АҚШни биринчи галда Германиянинг иқтисодий ва валюта сиёсати қизиқтирган.
Изоҳ (0)