Кўпчилик америкаликлар Ҳиллари Клинтонни инсофсиз деб ҳисоблайди

Америкаликлар келаси йилги сайловларда президентликка номзодини қўйиш учун курашаётган собиқ биринчи хоним ва мамлакат бош котиби Ҳиллари Клинтонга ишончсизлик билан қарайди. Бу ҳақда GFK ижтимоий фирмаси сўрови натижаларига таяниб, ТАСС хабар берди.

Сўров иштирокчиларининг 61 фоизи Клинтонни умуман ёки деярли умуман ҳалол деб ҳисобламайди.

Умуман олганда, америкаликларнинг 46 фоизи Клинтон номзодига ижобий, 41 фоизи салбий ёндашади. Унинг тарафдорлари ҳам бу борада катта ташаббускорлик кўрсатмади. Сўралган демократларнинг 34 фоизигина Клинтон уларга жуда ёқишини айтган бўлса, 36 фоизи ундан қониқишини билдирган. Яна 19 фоизи бетараф қолган, 9 фоизи эса ҳафсаласи пир бўлганини қайд этган.