Бразилия терма жамоаси собиқ футболчиси Паулу Сезар кокаин сотиб олиш учун жаҳон чемпиони медалини сотиб юборди, дея хабар бермоқда «Корреспондент.net».
Паулу Сезар 1970 йилдаги жаҳон чемпионатида қўлга киритган олтин медали тақдири ҳақида гапириб берди.
«Мен ўзимни бутунлай назорат қила олмай қолдим. Ҳеч қачон бунгача бораман, деб ўйламаган эдим. Бу катта йўқотиш.
Авваллари буни ҳеч кимга эътироф этмаганман. Бироқ ҳозир барчасини айтиб беришга тайёрман. Ўша вақтда ҳаётимдаги энг муҳим нарса мен учун кокаин бўлган. Медалнинг қиммати камроқ бўлган», — дея Паулу Сезар гапларидан иқтибос келтирди нашр.
65 ёшли Сезар Бразилия клублари, шунингдек Франциянинг «Марсел»и таркибида тўп сурган. Жаҳон чемпионати медалини у Бразилия термаси билан 1970 йилда ютиб олган.
Изоҳ (0)