Ўзбекистонда ўтган ҳафта давомида 204 та ёнғин ҳодисаси содир бўлди

Ўтган ҳафта мобайнида Ўзбекистон ҳудудида 204 та ёнғин ҳодисаси қайд этилди, дея хабар бермоқда Ўзбекистон Республикаси Ички ишлар вазирлиги Ёнғин хавфсизлиги хизмати бўлими.

Турли сабабларга кўра содир бўлган ёнғинларда 5 нафар фуқаро тан жароҳатлари олган ва 1 нафар фуқаро ҳалок бўлган. Ушбу ёнғинларда 873 миллион сўмдан ортиқ қурилиш материаллари ва 711 миллион сўмга яқин моддий бойликлар ёнғиндан сақлаб қолинган.

Тошкент шаҳар Юнусобод тумани Жомий маҳалласида яшовчи фуқаро Т.Дарвешовнинг хонадонида ёнғин содир бўлган. Ёнғин оқибатида уйнинг 100 кв. метр майдонда томи, шифт қисми ва уй жиҳозлари ёниб зарарланган ҳамда ёнғин Боғча кўчасида яшовчи қўшниси Р.Носировнинг уйига ўтиб, 60 кв. метр майдонда том ва шифт қисми ёниб зарарланган.