ЕЧЛ чорак финали дастлабки ўйинида «Реал» «Атлетико» майдонида дуранг ўйнади

Европа Чемпионлар лигасида чорак финал босқичининг илк учрашувларига старт берилди. Мадрид дербисидан ўрин олган баҳсда «Атлетико» ўз майдонида ҳамшаҳри «Реал»ни қабул қилди, деб хабар бермоқда «Olamsport».

Сўнгги учрашувларда «Қироллик клуби»ни мағлубиятга учратиб келаётган «матрасчилар» бу сафар дурангга имзо чекишди. Учрашувнинг биринчи бўлимида меҳмонлар яхши таассурот қолдирди. «Атлетико» дарвозабони Облак асосий посбон Мойяга муносиб ворис бўлаётганини бир неча бор исботлаб, жамоасини муқаррар голлардан қутқариб қолди. Энди барча масалага келаси ҳафта «Сантяго Бернабеу»да ўтказиладиган жавоб ўйинида ойдинлик киритилади.

«Атлетико» – «Реал Мадрид» 0:0

«Атлетико»: Облак, Хуанфран, Miraнда, Годин, Сикейра, Мауро Суарес, Габи, Коке (Торрес, 83), Арда Туран, Гризманн (Рауль Гарсия, 77), Манжукич

«Реал Мадрид»: Касильяс, Карвахал (Арбелоа, 85), Варан, Рамос, Марсело, Кроос, Модрич, Хамес Родригес, Бейл, Роналду, Бензема (Иско, 76)

Огоҳлантиришлар: Манжукич, Марио Суарес, Рауль Гарсия — Серхио Рамос, Марсело