Facebook ижтимоий тармоғи ўз фаолиятида 27 январь куни содир бўлган носозлик хакерлар ҳужуми туфайли юз бергани ҳақидаги хабарларни рад этди, деб хабар бермоқда «РИА Новости».
«Носозлик ташқаридан ҳужум туфайли эмас, балки биз ишлаш тизимида акс этган ўзгариш киритганимиздан кейин содир бўлди. Биз муаммони ечиш учун тез ҳаракат қилдик. Ҳозирда бизнинг иккала хизматимиз ҳам (Facebook ва Instagram) барча учун 100 фоиз очиқ», − деди компания вакили.
Аввалроқ, Lizard Squad хакерлар гуруҳи 27 январь куни Тошкент вақти билан соат 11:00 дан кейин бир соат давомида Facebook ва Instagram ижтимоий тармоқлари ишламай қолгани учун жавобгарликни ўз бўйнига олгани хабар берилган эди.
Изоҳ (0)