Жорий йилнинг 17—18 январь кунлари Тошкентда Hand Made in Uzbekistan — 2015 анъанавий санъат фестивали бўлиб ўтади. Бу ерда Ўзбекистоннинг турли бурчакларидан ташриф буюрган 150 дан ортиқ ҳунарманд жам бўлади, деб хабар бермоқда «Uz24.uz» «Afisha.uz»га таяниб.

Фестиваль ҳунарманд сулолаларни ҳамда қобилиятли усталарни қўллаб-қувватлашга, жамоатчиликни амалий санъати соҳасидаги янгиликлар билан таништириш ҳамда Ўзбекистоннинг маданий ютуқларини сақлаб қолишга қаратилган.

Фестиваль доирасида бўлиб ўтадиган барча тадбирлар «Зарқайнар» миллий санъат галереясида ўтказилади. Кўргазмада сўзана, сувенир ёки маиший кулолчилик маҳсулотлари, чиннидан ясалган буюмлар, замонавий ва анъанавий услубда қўлда ишланган заргарлик буюмлари, шойи рўмоллар, ўзбек нақшлари туширилган миллий матолардан яратилган нимчалар, сумкалар, миниатюра асарлари, сувенир пичоқлар, теридан ясалган буюмлар, миллий қўғирчоқлар, турли ўлчамдаги гиламлар, табиий матолардан яратилган миллий услубдаги кийим ва поябзалларни харид қилиш мумкин.