Facebook’даги «Potrebitel.uz» гуруҳида Universal Mobile Systems (UMS) мобил оператори мижозлари халқаро SMS-хабарлар жўнатиб бўлмаслигидан нолиди.
Тегишли хабарни гуруҳга жойлаштирган фойдаланувчининг қайд этишича, компания сайтида халқаро SMS-хабарларни жўнатиш учун тарифлар берилган, бироқ бу хизматни амалга оширишнинг имкони йўқ. Мижоз телефон орқали оператор билан боғланиб бу ҳақида сўраганда эса ноқулайлик учун узр сўраш билан чекланилганини маълум қилган. Фойдаланувчи бу ҳақда на компания сайтида, на Facebook’даги саҳифасида маълумот берилмаганидан нолиган.
UMS расмий сайтида тариф режалари ҳақида маълумот берилган саҳифаларида 1та халқаро SMS-хабар жўнатиш нархи 0,15 доллар деб кўрсатилган, бироқ тариф шартлари бўлимида халқаро SMS-хабарлар кафолатли тарзда фақат «МТС» гуруҳи мобил операторлари (Россия, Украина, Белоруссия, Арманистон ва Туркманистондаги «МТС» операторлари) абонентларига жўнатилиши мумкинлиги қайд этилган.
Изоҳ (0)