Бугун,

  • USD 11095.31
  • RUB 173.84
  • EUR 10772.44

Барча сайлов участкаларида Ўзбекистон Республикаси Олий Мажлиси Қонунчилик палатаси, халқ депутатлари вилоят, туман ва шаҳар Кенгашларига депутатларни сайлаш бўйича овоз бериш давом этмоқда, деб хабар беради Ўзбекистон Миллий ахборот агентлиги.

Фото: ЎзА

Фото: ЎзА

Тошкент вақти билан соат 17.00 гача сайловда 16,2 миллион фуқаро иштирок этди. Бу рўйхатга олинган жами сайловчиларнинг 78,4 фоизини ташкил этади.

Ушбу маълумотларни Ўзбекистон Республикаси Марказий сайлов комиссияси раисининг ўринбосари С. Ортиқова 2014 йилги сайловни ёритиш бўйича республика матбуот марказида Ўзбекистон ва чет эл оммавий ахборот воситалари вакиллари учун ўтказилган навбатдаги брифингда маълум қилди.

Ўзбекистон Республикасининг Афғонистон, Озарбайжон, Бирлашган Араб Амирликлари, АҚШ, Эрон, Қувайт, Саудия Арабистони, Россия, Украина, Миср, Греция, Латвия, Туркия, Австрия, Бельгия, Германия, Испания, Италия, Польша, Франция, Швейцария, Буюк Британия ва бошқа мамлакатлардаги ваколатхоналари ҳузурида ташкил этилган 44 сайлов участкасида ҳам овоз бериш жараёни бўлиб ўтаётгани қайд этилди.

Ўзбекистоннинг Япония, Корея Республикаси, Малайзия, Сингапур, Хитой, Индонезия ва Таиланддаги ваколатхоналари ҳузурида ташкил этилган сайлов участкаларида овоз бериш жараёни якунланди.

Ўзбекистон Экологик ҳаракатининг Ўзбекистон Республикаси Олий Мажлиси Қонунчилик палатасига 15 нафар депутатни сайлашга бағишланган конференцияси давом эмоқда.

Брифингда айни пайтгача Марказий сайлов комиссиясига сайлов жараёни давомида сайлов қонунчилиги бузилиши билан боғлиқ ҳолатлар ҳақида бирорта ҳам маълумот тушмагани таъкидланди.

Марказий сайлов комиссиясининг навбатдаги брифинги соат 22.00 да бўлиб ўтади.

Изоҳ
Асосий янгиликлар
Дунё
“Экологик офат”: Каховка ГЭС портлашининг бешта даҳшатли оқибати
Кино
“Одамларга инсониятни қириб юборувчи кометадан қайсидир машҳур хонанданинг ишқий муносабати қизиқроқ…” — “Тепага қараманг” фильми ҳақида
Дунё
Шимолий Кореяда ўз жонига қасд қилувчилар сони кўпаймоқда