Microsoft’нинг илк смартфони жиддий камчиликка эга эканлиги аниқланди (видео)

Microsoft компанияси Lumia смартфонларидан Nokia номи олиб ташлаганидан сўнг, тақдим этган илк смартфони жиддий камчиликка эга эканлиги аниқланди. Бу ҳақда Mail.Ru сайти хабар берди, деб ёзади «Пароль» нашри.

Ушбу смартфон Microsoft Lumia 535 бўлиб, дисплейининг сезувчанлик даражаси ҳаддан зиёд юқори дейилмоқда. Шу боис фойдаланувчилар унда «мултитач» ва Word Flow функцияларидан тўлиқ фойдалана олишмаяпти. Буни қуйидаги видеодан ҳам томоша қилиш мумкин.

Microsoft компанияси ушбу муаммодан хабардор эканлиги ва бу ҳолат смартфон операцион тизимининг янгиланган версиясида яхшиланиши ҳақида эълон қилган.

Шунингдек, «Пароль» нашрида қуйидаги мақолаларни ҳам ўқишингиз мумкин:

• 2014 йилнинг энг яхши мобил ўйинлари рейтинги эълон қилинди;
• Samsung компанияси учта дисплейли Galaxy S6 смартфонини тақдим этиши кутилмоқда;
• LG компанияси 2015 йилда янги авлод телевизорларини тақдим этади ва сота бошлайди.