«Барселона» ҳужумчиси Лионель Месси ЕЧЛ доирасида «ПСЖ»га қарши кечадиган ўйин олдидан ўтказилган допинг назоратидан норози бўлди, деб хабар беради «Uff.uz».

Ҳужумчининг айтишича, «Спортда соғликни ҳимоя қилиш испан агентлиги» допинг-назоратини ўтказишда ғалати ишлар қилмоқда.

«Допинг назоратидан ўтиш куни назоратдан ўтиш учун чақирилган беш нафар футболчи орасидан фақат мендан таҳлил учун қон ва пешоб олишди. Ғалати, шундай эмасми?» — дея ёзади Месси Instagram’даги саҳифасида.

Эслатиб ўтамиз, Лионель Мессидан ташқари «Барселона» футболчиларидан яна Андрес Иньеста, Клаудио Браво, Иван Ракитич ва Жорди Альба допинг назоратидан ўтиш учун чақирилган эди.