Шотландиянинг «Селтик» клубига қарши ўртоқлик учрашувида Испаниянинг «Вильярреал» футбол клуби тўлиқ таркибида саратон билан хасталанган 13 ёшли бола майдонга тушди. Бу ҳақда Segodnya.ua хабар берди.
«Вильярреал»нинг ёш мухлиси Гохан «Эль Мадригал» стадионидаги ўйинда севимли жамоасининг уй матчида иштирок этиб, ўз орзусини амалга оширди.
Бу учрашувни хайрия жамғармаси ташкил этди, ундан тушган маблағ саратонга чалинган болаларга кўмаклашишга йўналтирилади.
Гохан ўйиндан аввал футболчилар билан суҳбатлашди, шундан сўнг 12-рақам остида майдонга чиқди. Биринчи зарбадаёқ Гохан гол уришга муваффақ бўлгач, томошабинлар олқишлари остида уни бошқа ўйинчи билан алмаштиришди.
Изоҳ (0)