Эрон АҚШ ҳужумидан хавфсирамай қўйди
Эрон етакчиси оятуллоҳ Али Хаменеи баёнот беришича, АҚШ Ислом Республикасига қарши ҳарбий аралашув ғоясидан воз кечди, дея хабар берди The New York Times.
Оятуллоҳ Хомейний вафотининг 25 йиллигига бағишланган маросимда сўзга чиққан Эрон етакчиси Вашингтон тажовузнинг хавфлилигини англагани ва яқин келажакда ташқи иқтисодий муаммолар ечими сифатида ҳарбий кучлардан фойдаланмаслигини таъкидлади.
Нашрнинг тахмин қилишича, Хаменеининг бундай хулосага келишига Барак Обаманинг Вест-Пойнтдаги нутқи сабаб бўлган. Ўшанда Америка президенти АҚШда ташқи сиёсат юритиш учун бошқа «асбоб-ускуналар» ҳам борлигини таъкидлаган эди. «Сизда дунёдаги энг яхши болғанинг борлиги ҳеч ҳам ҳар бир муаммонинг мих эканини англатмайди», — деган эди у.
Шу билан бирга, Хаменеи АҚШнинг Эронга қарши хатти-ҳаракатларни қўллашда давом этаётганини айтди. «У мухолифат гуруҳларини қўллаб-қувватламоқда, норозилик акцияларига ҳомийлик қилмоқда, террорчилик ҳаракатлари уюштирмоқда», — деди оятуллоҳ.
