«Пахтакор»нинг навбатдаги уй ўйинида автомобиль эгаси аниқланади

«Пахтакор»нинг навбатдаги уй ўйинида омадли мухлислардан бири автомобиль эгасига айланади. 20 май, сешанба куни олий лигада 9-тур учрашувлари бўлиб ўтади. «Пахтакор» унда Наманганнинг «Навбаҳор» жамоаси билан Тошкентда майдонга тушади. «Пахтакор» футбол клуби ўйинга ташриф буюрадиган мухлислар учун яна совғалар ҳозирлаган, деб хабар беради футбол клуби сайти.

«Пахтакор»—«Навбаҳор» баҳсига ташриф буюрган томошабин Соғлом бола йилига бағишланган «Омадли мухлис» ижтимоий акциясида иштирок этиш ва асосий эсдалик совға сифатида автомобиль ютиб олиш имкониятига эга бўлади. Шунингдек, футбол тўплари, спорт кийимлари, жамоа либослари, клуб тарихи ҳақидаги китоблар ва Fitness House соғломлаштириш мажмуасига абонементлар ҳам ўз эгаларини топади. Чипталарни харид қилган инсон «Омадли мухлис» ижтимоий акцияси иштирокчисига айланади. Чипталарни «Пахтакор» марказий стадиони кассаларидан харид қилиш мумкин. Чипта нархи — 5000 сўм.