Google Glass «ақлли» кўзойнаги АҚШда яна эркин сотувга чиқарилди. Гаджетнинг нархи 1,5 минг долларни ташкил этади, деб ёзади gazeta.ru.
Google корпорациясидагиларнинг айтишича, қурилмани сотувга чиқарилган маҳсулот тугагунига қадар харид қилиш мумкин. Шу йўл билан компания кўзойнакни янада кенг истеъмолга чиқаргунича, фойдаланувчилар фикрини ўрганмоқчи.
Бу сафар гаджет қанча вақт давомида савдода бўлиши номаълум. The Wall Street Journal аниқлик киритишича, бу қурилманинг якуний версияси эмас, балки Explorers лойиҳаси доирасидаги «бета-синов учун дастлабки варианти»дир.
Нашрнинг эслатишича, 15 апрелдаги бир кунлик сотув муваффақиятли кечган ва оқ рангдаги Cotton модели бир неча соатлар ичида сотиб бўлинган.
Изоҳ (0)