Beeline алоқа оператори халқаро овозли роуминг географиясини яна кенгайтирди. Эндиликда CAMEL-роуминг хизмати Теленор (Венгрия) ҳамкорлик тармоғида амал қилади. Бу ҳақда компания матбуот хизмати хабар берди.
«Бизнинг мақсад — ҳам Ўзбекистон, ҳам чет элда Beeline абонентларини ишончли алоқа ва инновацион хизматлар билан таъминлаш, — дейди компаниянинг техник директори Денис Котляренко. — Мижозларимизга саёҳат ва иш юзасидан бўлган йўналишларда роуминг-ҳамкорларнинг кенг танловини бермоқдамиз».
Эслатиб ўтамиз, CAMEL-роуминг хизмати абонент баланси нолга тенг бўлгунига қадар 50 АҚШ доллари кафолатли бадалисиз Beeline алоқасидан фойдаланиш имконини беради. Бунда ҳисобдаги маблағ реал вақт режимида ечиб олинади.
CAMEL-роуминг активлаштиришни талаб қилмайди, чунки хизмат телефонда автоматик тарзда ёқилган. Аввалдан тўлов тизимидаги тариф режаларида бўлган абонентлар ушбу хизматдан ҳисобларида исталган мусбат қолдиқ бўлганида фойдаланишлари мумкин.