Бугун, 29 апрель куни Samsung компанияси Сингапурда ўзининг янги Galaxy K zoom камерофонини тақдим этди. Корейслар ўз «zoom»-смартфонларини алоҳида серияга киритишга ва қурилмани аввал назарда тутилганидек Galaxy S5 zoom деб атамасликка қарор қилди. Бу ҳақда mail.ru хабар берди.
Аввалгисига (Samsung Galaxy S4 zoom) қараганда, янги қурилма смартфонга кўпроқ ўхшайди. Корпусда «яширинган» объектив ҳисобига компакт фотоаппарат ўзгача кўриниш олган, бироқ одатдаги девайслардан анча қалин (объективли қисми 20,2 мм) ва оғирдир (200 грамм).
Galaxy K zoom’нинг ташқи қиёфаси Galaxy S5’га ўхшаш бўлса-да, у уч хил — кўк, қора ва оқ рангларда чиқарилади.
Янги камерофон 1/2,3 дюймли, 20,7 мегапикселли BSI CMOS матрицасига ва 10 маротаба оптик зумга эга.
Samsung Galaxy K zoom олти ядроли Exynos 5260 процессори билан жиҳозланган, 2 Гб тезкор, 8 Гб ички хотирага эга. Қурилмага 4,8 дюймли, 1280×720 ўлчамдаги Super AMOLED дисплейи ўрнатилган. У Android 4.4.2 KitKat операцион тизимида ишлайди.
Изоҳ (0)