Mail.Ru Group ўз интернет лойиҳаларининг хавфсизлигига доир муаммоларни бартараф этиш учун янги дастурга старт берилганини маълум қилди. Мазкур ноодатий дастур дунё миқёсида ўз нуфузига эга бўлган HackerOne жамиятининг кўмаги билан амалга оширилмоқда, деб ёзади Hi-tech.Mail.ru.
Беллашув давомида Mail.ru Group'га тегишли сайтларда энг хавфли муаммони топган хакер учун 5000, 2-ўрин учун 3000 ҳамда 3-ўрин учун 1500 АҚШ доллари миқдоридаги пул мукофоти белгиланган. Бошқа иштирокчилар эса топилган муаммонинг аҳамият даражасидан келиб чиқиб, 150 доллар ва ундан юқори миқдорда моддий рағбатлантирилади.
«Биз ўз фойдаланувчиларимизга тегишли шахсий маълумотларнинг хавфсизлиги масаласига катта аҳамият қаратяпмиз ва хакерлик жамиятларидан айнан шу муаммони ҳал этишини талаб қиламиз. Дастуримизнинг яна бир вазифаси – ахборот хавфсизлиги аҳамияти тушунчасининг янада оммалашувига эришишдир», – дея таъкидлади Mail.Ru Group вице-президенти Анна Артамонова.
Изоҳ (0)