2014 йилнинг 2—7 апрель кунлари Таиландда стол тенниси бўйича ўсмирлар ўртасида ўтказилган Осиё чемпионатида Ўзбекистон ўсмирлар терма жамоаси аъзоси Регина Ким яккалик баҳсларида муваффақиятли иштирок этиб, Нанкин шаҳрида (Хитой) ўтказиладиган II ўсмирлар Олимпия ўйинлари йўлланмасини қўлга киритди. Бу ҳақда Ўзбекистон Миллий Олимпия қўмитаси матбуот хизмати хабар берди.
Таъкидлаш жоиз, Осиёнинг 26 давлатидан келган 1200 нафар спортчи иштирокида бўлиб ўтган чемпионатда қитъанинг етакчи спортчилари аниқланиши билан бирга, жорий йилнинг 16—28 август кунлари Нанкин шаҳри (Хитой)да ўтказиладиган II ўсмирлар Олимпия ўйинларининг йўлланмалари ҳам ўйналди.
Изоҳ (0)