AQSH Qozog‘istonda atom elektr stansiyasi (AES) qurilishi bo‘yicha tenderda ishtirok etishga tayyor. Bu haqda AQSH Savdo-sanoat palatasi katta vitse-prezidenti Xush Choksi Olmaotaga biznes tashrifi chog‘ida maʼlum qildi.
Uning so‘zlariga ko‘ra, Amerika kompaniyalari atom energetikasida ilg‘or texnologiyalarga ega va tender xalqaro ishtirokchilar uchun ochiq bo‘lishiga umid qilmoqda.
AES haqida gap ketganda, AQSH eng yaxshi texnologiyalarga ega. Biz Amerika kompaniyalariga ham unda ishtirok etish imkonini beradigan ochiq tender o‘tkazilishiga umid qilamiz, dedi Choksi.
Balxash ko‘li bo‘yida qurilishi rejalashtirilgan AES qiymati 10-15 milliard dollarga baholanmoqda. Biroq, qurilish yakuniga qadar u 50 foizga qimmatlashishi mumkin.
Bunga inflyatsiya, materiallar narxining oshishi va hokazolar sabab bo'ladi. Jahon amaliyoti boshqacha. Narxlarning o'sishi 50 foizgacha kuzatilgan. Ammo shuni ta’kidlamoqchimanki, bu — tijorat siri, deydi Qozog‘iston bosh vazirining birinchi o‘rinbosari Roman Sklyar.
Stansiyani qurishda ishtirok etishi mumkin bo‘lgan kompaniyalar orasida Qozog‘iston hukumati “Rosatom” (Rossiya), KHNP (Janubiy Koreya), EDF (Fransiya) va China National Nuclear Corporation’ni (Xitoy) tanlagan.
Izoh (0)