Farg‘ona viloyatida 18 yoshli yigit o‘zidan 6 yosh katta tanishini bo‘yniga pichoq tiqib, qochib ketdi. Bu haqda viloyat IIB xabar berdi.
Ma’lum qilinishicha, 21-may kuni, 2006-yilda tug‘ilgan, Marg‘ilon shaharda yashovchi fuqaro S.T. shaharning B.Marg‘iloniy ko‘chasida yashovchi, 2000-yilda tug‘ilgan fuqaro A.A.ni o‘tkir tig‘li jism bilan o‘ng orqa va yuz sohasiga urib, hayot uchun xavfli bo‘lgan tan jarohati yetkazgan.
Fuqaro A.A. hodisa joyidan qochib ketishi natijasida S.T. jinoiy harakatlarini oxiriga yetkaza olmasdan, hodisa joyidan noma’lum tomonga yashiringan. Shifokorlar tomonidan o‘z vaqtida ko‘rsatilgan tibbiy muolajalar natijasida A.A.ning hayoti saqlab qolingan.
Hozirda shahar prokuraturasi tomonidan holat yuzasidan Jinoyat kodeksining 25,97-moddasi 1-qismi bilan jinoyat ishi qo‘zg‘atilib, gumonlanuvchi S.T. ushlangan.
Izoh (0)