Ko‘pchilik insonlar poyabzalini kir yuvish mashinasida qanday yuvishni bilmaydi — to‘g‘risi, bunga jur’at ham eta olmaydi. “Tagi ajrab ketmaydimi?”, “Shakli buzilib qolmaydimi”? degan savollar ko‘pchilikni qiynaydi. Aslida esa ayrim oyoq kiyimlarni to‘g‘ri yondashuv bilan bemalol yuvsa bo‘ladi — nafaqat toza, balki yangidek bo‘lib chiqadi. Ushbu maqolada qaysi poyabzallarni yuvish mumkin, qaysilariga aslo tegmaslik kerakligi, tayyorlash, yuvish va quritish bosqichlari haqida bilib olasiz.
Avvalo, bunday yuvish poyabzalga zarar yetkazmasliga ishonch hosil qilish kerak. Ichki yorliq yoki qutidagi ko‘rsatmalarga qarang. Agar hech qanday ko‘rsatma bo‘lmasa, umumiy tavsiyalarga amal qilishingiz mumkin.
Kir yuvish mashinasida yuvishga mos poyabzal: matodan tayyorlangan sport krossovkalar va ketalar, matoli shippaklar va rezinali slanslar. Shuningdek, membrana, polyester va neylon materiallaridan tayyorlangan poyabzal ham yuvishga mos.
Yuvishga yaramaydi: tabiiy va sun’iy charm, yopishtirilgan tagligi bor poyabzal (yuvilganda tagligi qopqoqdan ajralib ketishi mumkin). Shuningdek, zamshdan yasalgan poyabzal, jun yoki velyur matodan tayyorlangan uy tapochkalari ham yuvilmaydi. Laklangan etiklar, tufli va botinkalar ham kir yuvish mashinasida yuvishga yaramaydi, shuningdek, metall bezaklari katta bo‘lgan poyabzallar ham. Ushbu turdagi poyabzal mashinada aylanib, ko‘rinishini yo‘qotadi va kiyish uchun yaroqsiz bo‘lib qoladi.
Poyabzalni yuvishdan oldin nimalarga e’tibor berish kerak?
Agar poyabzalingizni yuvishga ishonchingiz komil bo‘lsa, uni yaxshilab tayyorlang, shunda u chiroyli ko‘rinishini saqlab qoladi.
Tagini qum va toshlardan tozalang. Buning uchun sovunli cho‘tka bilan yuvish yetarli.
Agar dog‘lar bo‘lsa, ularning ustiga dog‘ tozalovchi surting. 10-15 daqiqa yoki ko‘rsatmalardagi vaqtgacha qoldiring. Keyin kir yuvish mashinasi uni o‘z-o‘zidan yuvib yuboradi, qo‘lda yuvish shart emas.
Ip va barcha bezaklarni olib tashlang. Ularni alohida sumkada yuvish ma’qul — shunda ular shaklini yo‘qotmaydi.
Poyabzal bog‘ichlarini bog‘lab qo‘ying. Bu poyabzal shaklini saqlashga va yuvish jarayonida shikastlanishdan himoya qiladi.
Poyabzalning ikki poyini ham alohida sumkaga soling. Bu uni doirada erkin aylanib shikastlanishidan saqlaydi. Agar maxsus sumka yo‘q bo‘lsa, eski yostiq qopidan foydalaning.
Poyabzalni boshqa kiyimlar bilan aralash yuvmang. Aks holda, ranglar o‘zaro aralashib ketishi mumkin.
Suyuq yuvish vositalaridan foydalaning — ular poyabzaldan oson yuvilib ketadi. Membrana matolar uchun maxsus gel kerak, u material tuzilishini buzmaydi va barcha xususiyatlarini saqlab qoladi.
Foto: You tube
Krossovkalar va ketalarni qanday yuvish kerak?
Yuvishdan oldin yuqoridagi ko‘rsatmalar bo‘yicha tayyorlang: tagini tozalang, iplarini oling. Krossovkalarni sumkaga yoki yostiq qopiga soling va ularning uchlarini mahkam bog‘lang, shunda yuvishda tushib ketmaydi. Katta va og‘ir krossovkalar bilan birga yuvishda rang o‘tmasligi uchun katta sochiq yoki yotoq choyshabini ham qo‘shish tavsiya etiladi — bu kir yuvisg mashinasi oynasiga urilishlarni yumshatadi.
Yuvish vositasini maxsus bo‘limga soling, delikat yoki poyabzal uchun maxsus rejimda yuvilsin. Suv harorati 30 darajadan yuqori bo‘lmasligi kerak, chunki issiq suv poyabzalni buzishi, tagini deformatsiya qilishi, matoni qisqartirishi mumkin.
Rezinali slansilarni qanday yuvish kerak?
Tagini nam mato bilan artib, alohida sumkaga yoki yostiq qopiga soling. Suyuq yuvish vositasi bilan delikat yoki qo‘l yuvish rejimida yuvilsin.
Matoli tapochkalarni qanday yuvish kerak?
Avvalo tagini cho‘tka bilan yoki nam mato bilan artib tozalang. Barcha bezaklar joyida va mahkam ekanini tekshiring, agar bo‘lsa, tikuv yoki igna bilan mustahkamlang. Tapochkalarni sumkaga solib, mashinaga yuboring. Yuvish vositasini bo‘limga quying, delikat yoki qo‘l yuvish rejimini tanlang — bu yumshoq tozalashni ta’minlaydi.
Membrana, polyester va neylon poyabzallarni ham xuddi shunday yuvish mumkin.
Poyabzalni qanday quritish kerak?
Yorliqdagi ko‘rsatmalarga e’tibor bering. Agar quritgichdan foydalish mumkin bo‘lsa, shundan foydalaning.
Rezina slansilarni quruq so‘ruvchi mato bilan artib oling. To‘g‘ridan-to‘g‘ri quyosh nuridan uzoq, soya joyda quriting, chunki quyoshda rezina yoriladi. Tapochkalarni arqonga osib ochiq havoda quritish mumkin.
Krossovkalar va kedilarni qog‘oz bilan ichini to‘ldiring — u namlikni yutadi. O‘rtacha haroratda yoki soya joyda quriting. Quritishdan oldin iplarini bog‘lab qo‘yish mumkin — shunda qog‘ozni joylashtirish osonroq bo‘ladi va poyabzal shaklini yaxshi saqlaydi. Ipini yechib quritish ham mumkin, bunda poyabzal ichini qo‘lingiz bilan ushlab turib qog‘oz bilan to‘ldiring.
Endi siz kir yuvish mashinasida poyabzalni qanday to‘g‘ri yuvish kerakligini bilasiz va sevimli buyumlaringizga yangi hayot baxsh etishingiz mumkin.
Izoh (0)