Qurbon hayiti kuni Toshkent metrosi vaqtincha bepul xizmat ko‘rsatadi. Bu haqda metropoliten matbuot xizmati xabar berdi.
Ma’lum qilinishicha, bayram kuni yo‘lovchilarga qulaylik yaratish maqsadida metropoliten odatdagidan ikki soat oldin, ya’ni tonggi soat 03:00 dan ish faoliyatini boshlaydi. 6-iyunda barcha yo‘lovchilar uchun Toshkent metropoliteni soat 03:00 dan 10:00 ga qadar yo‘lovchilarga bepul xizmat ko‘rsatadi.
Metroda 7-iyun kuni poyezdlar harakati shanba kuni uchun belgilangan jadval bo‘yicha, 8-iyunda esa yakshanba kuni uchun tasdiqlangan jadval asosida soat 05:00 dan xizmat ko‘rsatiladi.
6-iyun kuni avtobus yo‘nalishlari ham soat 03:00 dan o‘z harakatini boshlaydi.
O‘zbekiston Musulmonlari idorasi bergan ma’lumotga ko‘ra, Toshkent shahridagi jome masjidlarida Qurbon hayiti namozi ertalab soat 05:10 da o‘qiladi. Qurbon hayiti namozi o‘qiladigan masjid atrofidagi ko‘chalar va yo‘llarda avtotransport vositalarining harakati soat 00:00 dan 08:00 gacha to‘xtatiladi.
Izoh (0)