“Real” sobiq ustozi Zinedin Zidan Fransiya terma jamoasini boshqarishni istashi hamda taklif bo‘lsa, uni qabul qilishga tayyor ekanligini bildirdi . 
Tajribali mutaxassis to‘rt yildirki, hech bir jamoani boshqarmayapti. Zidan o‘zi haqidagi savollarga quyidagicha javob berdi:
Men Fransiya terma jamoasini boshqarishni istayman. Ammo ayni paytda ularning murabbiyi bor. Shu sababli Didye Desham hamda jamoaga hurmat bilan gapirishimiz kerak. Men doim futbolni va futbol atrofidagi insonlarni hurmat qilganman, shuning uchun hozir bu mavzuda gapirishning o‘zi noto‘g‘ri. Biroq vaqti kelib, agar shunday imkoniyat paydo bo‘lsa, juda xursand bo‘laman. Murabbiylik faoliyatimni vaqtincha to‘xtatganman, biroq o‘zimni hanuz murabbiy sifatida his qilaman, deydi Zidan Marca nashriga bergan intervyusida.
OAVda tarqalgan xabarlarga ko‘ra, 2026-yilgi Jahon chempionatidan so‘ng Didye Desham Fransiya terma jamoasi boshqaruvidan ketadi. Shundan keyin Zidan “uch ranglilar” bosh murabbiyi lavozimini egallashi mumkin.
Ma’lumot uchun, Zinedin 2021-yilning yozida “Real”ni tark etgan edi. Shundan beri u hech qaysi jamoani boshqargani yo‘q.
Izoh (0)