2026-yilgi futbol bo‘yicha Jahon chempionati saralash bosqichining navbatdagi qismi ortda qoldi. Ayni paytga kelib, turnir yo‘llanmasini qo‘lga kiritgan terma jamoalar soni allaqachon 13 taga yetdi.
Ularning 10 tasi saralashdan muvaffaqiyatli o‘tgan bo‘lsa, Kanada, Meksika va AQSH turnir mezboni sifatida mundial yo‘llanmasini qo‘lga kiritgan.
2026-yilgi Jahon chempionatiga hozircha yo‘l olgan jamoalar quyidagilar:
- Kanada
- Meksika
- AQSH
- Yaponiya
- Yangi Zelandiya
- Eron
- Argentina
- O‘zbekiston (ilk marta)
- Janubiy Koreya
- Iordaniya (ilk marta)
- Avstraliya
- Braziliya
- Ekvador
Ma’lumot uchun, 2026-yilgi mundialga AQSH, Kanada va Meksika mamlakatlari birgalikda mezbonlik qiladi. Musobaqa 11-iyun kuni boshlanib, 19-iyul kuni yakuniga yetadi. Bu 48 ta terma jamoa ishtirok etgan ilk musobaqa sifatida tarixda qoladi.
Amaldagi Jahon chempioni Argentina terma jamoasi hisoblanadi. Ular 2022-yil Qatar maydonlarida o‘tgan musobaqa finalida Fransiyani (3:3, penaltilar seriyasi — 4:2) mag‘lub etib, bosh sovringa ega chiqqan.
Eslatib o‘tamiz, Temur Kapadze boshchiligidagi terma jamoa saralash bosqichida munosib ishtirok etib, 21 ochko bilan to‘g‘ridan to‘g‘ri JCH final bosqichiga yo‘llanmani qo‘lga kiritdi.
Izoh (0)