“Milan” va “Napoli” jamoalarining sobiq ustozi Jennaro Gattuzo rasman Italiya terma jamoasining yangi bosh murabbiyiga aylandi. Bu haqda terma jamoa matbuot xizmati xabar berdi.
Gattuzo ushbu lavozimda Luchano Spallettining o‘rnini egalladi. Uning jamoasi Jahon chempionati saralash bosqichining birinchi turida Norvegiyaga 0:3 hisobidagi yirik mag‘lubiyatga uchradi va shundan keyin iste’foga chiqarildi.
47 yoshli Gattuzo oldida nihoyatda mas’uliyatli vazifa turibdi. U Italiya terma jamoasini 2026-yilgi Jahon chempionatiga olib chiqishi kerak. Chunki Appenin yarim oroli vakillari oxirgi ikki mundialda ishtirok etgani yo‘q va Jennarodan ushbu qora an’anani yo‘qqa chiqarish talab etiladi.
Ma’lumot uchun, “Skuadra Adzurra” so‘nggi bor 2014-yil Braziliyada bo‘lib o‘tgan Jahon chempionatida qatnashgan edi.
Italiya termasining navbatdagi uchrashuvi 5-sentabr kuni bo‘lib o‘tadi. Ular o‘sha kuni Estoniya terma jamoasini sinovdan o‘tkazadi.
Izoh (0)