Klublar o‘rtasidagi Jahon chempionatining 3-turidan o‘rin olgan yana ikki uchrashuv bo‘lib o‘tdi. Musobaqaning C guruhi doirasidagi so‘nggi ikki bahs — “Oklend Siti” – “Boka Xuniors” hamda “Benfika” – “Bavariya” jamoalari o‘rtasida kechdi.
“Benfika” va “Bavariya” o‘rtasidagi bahsda portugaliyaliklar 1:0 hisobida zafar quchdi. O‘yindagi yagona golni 13-daqiqada Andreas kiritdi. Mazkur hisob o‘yin yakunigacha saqlanib qoldi va “Benfika” ushbu g‘alaba evaziga 3 ochkoni qo‘lga kiritib, keyingi bosqichga yo‘l oldi.
Guruhdagi boshqa bahs — “Oklend Siti” va “Boka Xuniors” o‘rtasidagi uchrashuv 1:1 hisobida yakunlandi. 26-daqiqada yangi zelandiyalik darvozabon Natan Garrov avtogol muallifiga aylandi. 52-daqiqada esa Kristian Grey hisobni tenglashtirdi. Uchrashuv so‘ngigacha boshqa gollar urilmadi va jamoalar 1 ochkodan bo‘lishib oldi.
3-tur yakunlariga ko‘ra, C guruhida “Benfika” 7 ochko bilan 1-o‘rinni egalladi, “Bavariya” esa 6 ochko to‘plab 2-o‘rinda qoldi. Har ikki jamoa keyingi bosqichga yo‘l oldi. 2 ochko to‘plagan “Boka Xuniors” hamda 1 ochkoga ega “Oklend Siti” esa musobaqani tark etdi.
Klublar o‘rtasidagi Jahon chempionati — 2-tur
24-iyun, seshanba
“Benfika” — “Bavariya” 1:0
Gol: 1:0 — Andreas (13).
“Oklend Siti” — “Boka Xuniors” 1:1
Gollar: 0:1 — Natan (26, avtogol), 1:1 — Grey (52).
Izoh (0)