Amerikaning The Ring nashri professional boksning barcha vazn toifalari bo‘yicha yangilangan reytingini e’lon qildi. Reytingda o‘zbekistonlik bokschilarning ham o‘rni o‘zgardi.
Super yarim o‘rta vazn toifasida jang qilayotgan Isroil Madrimov reytingda to‘rtinchi pog‘onani egalladi. Ushbu vaznda birinchi o‘rinda Terens Krouford, ikkinchida Verjil Ortiz, uchinchi o‘rinda esa Sebastiyan Fundora joy olgan.
Super o‘rta vaznda ringga chiqayotgan Shahram G‘iyosov hozirda beshinchi o‘rinda qayd etilgan. U WBA chempionlik kamari uchun majburiy da’vogar hisoblanadi. G‘iyosov professional faoliyatida 17 ta jang o‘tkazib, barchasida g‘alaba qozongan (10 tasi nokaut). So‘nggi jangini 12-aprel kuni argentinalik Franko Maksimiliano ustidan 4-raundda nokaut bilan yakunlagan edi. Shu natijadan so‘ng u reytingda beshinchi o‘ringa ko‘tarildi. Mazkur vazn toifasining chempioni Jaron Ennis hisoblanadi. Reytingda birinchi o‘rin Brayan Normanga tegishli, ikkinchi o‘rinda Eymantas Stanyonis, uchinchi o‘rinda esa Jovani Santilyan joylashgan.
Ikkinchi o‘rta vazn toifasida Bektemir Meliqo‘ziyev o‘ninchi o‘rinni egallab turibdi. Bu toifada chempion Saul Alvares bo‘lsa, reytingda birinchi o‘rinni Kristian Mbelli, ikkinchi o‘rinni Diego Pacheko, uchinchi o‘rinni esa Osleys Iglesias egallagan.
Ikkinchi eng yengil vazn toifasida WBA Interim chempionlik kamariga ega bo‘lgan Murodjon Ahmadaliyev reytingda uchinchi o‘rinda qayd etilgan. U 12-sentyabr kuni ushbu vaznning amaldagi chempioni Naoya Inoue bilan jang qiladi. Shuningdek, reytingda birinchi o‘rinni Marlon Tapales egallagan, ikkinchi o‘rinda Ahmadaliyev bo‘lsa, kuchli uchlikni Luis Neri yakunlab turibdi.
Ma’lumot uchun, boshqa vazn toifalarida o‘zbekistonlik bokchilar reytingga kiritilmadi.
Izoh (0)