Xiaomi yuqori tezlikda ishlaydigan yangi Mijia Pro fenini taqdim etdi, u bosh terisiga salbiy taʼsir ko‘rsatmasdan sochlarni ehtiyotkorlik bilan quritadi. Buning uchun qurilmada doimiy qulay havo haroratini saqlab turishga imkon beradigan bir nechta sensorlar mavjud. Fenning narxi, taxminan, 82 dollar bo‘lib, uni Xitoydan buyurtma qilish mumkin.
Mijia Pro fenidagi ToF sensori (qurilmadan boshgacha bo‘lgan masofani o‘lchaydi), soniyasiga 200 martagacha oqim haroratini monitoring qiluvchi yuqori aniqlikdagi NTC termistor va 50 gradus doimiy havo haroratini qo‘llab-quvvatlash orqali bosh terisining sezgir joylarini himoya qiladi. Masofani nazorat qilish rangli indikatorli LED halqasi bo‘lgan moslama yordamida amalga oshiriladi.
Qurilma 110 000 aylanish tezligigacha bo‘lgan cho‘tkasiz dvigatelga ega bo‘lib, u 70 m/s gacha havo oqimi tezligini yaratadi. Yangi qurilma kalta sochlarni atigi 30 soniyada, yelka uzunligigacha bo‘lgan sochlarni 3 daqiqada va uzun sochlarni 5 daqiqada quritishga qodir. Shuningdek, Mijia Proʼda shovqin darajasini pasaytirish uchun dvigatelning ishlashi optimallashtirilgan bo‘lib, ulardan tinch muhitda qulay foydalanish imkonini beradi. Tanlash uchun 4 ta ish rejimi mavjud: sovuq, iliq, issiq va o‘zgaruvchan issiq/sovuq hamda ikkita shamollatish tezligi variantidan iborat. Bundan tashqari, fen oxirgi tanlangan sozlamalarni eslab qolish qobiliyatiga ega.
Mijia Proʼda statik elektr hosil bo‘lishini kamaytirish uchun 200 milliongacha salbiy ion ishlab chiqaradigan havo ionizatori mavjudligi taʼkidlangan. Maksimal quvvat sarfi — 1600 Vt. Yangi qurilma korpusning to‘rt xil rangida mavjud: yashil, binafsha, kulrang, oq. Qurilmaning og‘irligi 250,6×90×73 mm o‘lchamlarda 380 grammni tashkil qiladi.
Izoh (0)