Netflix “Kalmar o‘yini” serialining uchinchi va so‘nggi mavsumining yakuniy treylerini eʼlon qildi. Uchinchi mavsumda bosh qahramon 456-o‘yinchi Son Gi Xun halokatli o‘yinga chek qo‘yish uchun sinovlarni davom ettiradi.
Yangi treylerda qahramon o‘tgan o‘yinlar va do‘stlarini eslaydi. Videoda, shuningdek, VIP personajlar, liftdagi qo‘riqchilar jangi va Gi Xunning frontmen bilan kechki ovqatga tayyorgarlik ko‘rishi sahnalari mavjud.
So‘nggi mavsum premyerasi 27-iyun kuni bo‘lib o‘tadi.
Avvalroq “Kalmar o‘yini” rejissyori va ssenariy muallifi Xvan Don Xek Xvan tomoshabinlarga uchinchi mavsum ikkinchisidan ham yaxshiroq bo‘lishini vaʼda qilgan edi.
“Kalmar o‘yini”ning ikkinchi mavsumi 2024-yil 26-dekabrda efirga uzatildi. U uchinchisi bilan bir vaqtda suratga olindi, bu esa mavsumlar orasidagi intervalni sezilarli darajada qisqartirish imkonini berdi. Shouning davomi sifatida Gi Xun g‘alabadan uch yil o‘tib, boshqa o‘yinchilarning hayotini saqlab qolish uchun o‘yinga qaytdi, ammo hammasi unchalik oson emas. Mavsumning so‘nggi epizodi titrlardan keyingi kulminatsion nuqta taʼsirli sahna bilan yakunlanadi.
Ikkinchi fasl Rotten Tomatoesʼda (bu tanqidchilarning filmlar va seriallar haqidagi fikrlarini to‘playdigan va umumlashtiradigan, shuningdek, kino yangiliklari haqida maʼlumot beradigan agregator veb-saytdir) 83% tanqidchilar va 63% tomoshabinlar tomonidan maʼqullandi. Chiqarilganidan beri 11 kun ichida serialning davomi 126,2 million marta ko‘rildi — bunday natijaga qisqa vaqt ichida hali hech bir Netflix seriali erisha olmagan edi.
Izoh (0)