“Qizaloq va Maymoq” bir necha yillardan beri bolalar va kattalarning sevimli multfilmlaridan biri bo‘lib qolmoqda. Sho‘x, quvnoq Masha va sabrli, mehribon Ayiq haqida hikoya qiluvchi bu multfilm dunyoning turli burchaklaridagi tomoshabinlarni o‘ziga rom etgan. Endi esa u butunlay yangi ko‘rinishda namoyon bo‘ldi.
Sun’iy intellekt yordamida “Qizaloq va Maymoq” qahramonlari anime uslubida tasvirlandi. Yaponiya multfilmlariga xos chizish texnikasi bilan ishlangan bu versiya Gibli studiyasi muxlislariga manzur bo‘lishi shubhasiz, chunki yangi rasmlar uslubi mashhur yapon animatsiyasining sokin va osoyishta kayfiyatini eslatadi.
Anime versiyasida Mashaning ko‘zlari kattaroq, yonoqlari esa yanada qizil tusda tasvirlangan. Uning opasi Dasha, do‘sti Ayiq va boshqa o‘rmon jonivorlari ham o‘ziga xos anime qiyofa kasb etgan:
“Qizaloq va Maymoq” bu yosh qizaloq va mehribon ayiq o‘rtasidagi kulgili va samimiy do‘stlik haqida hikoya qiluvchi rus animatsion serialdir. Multfilm birinchi marta 2009-yilda namoyish etilgan bo‘lib, tez orada bolalar orasida juda mashhur bo‘lib ketdi.
Asosiy qahramon sho‘x, sergap va sarguzashtlarni yoqtiradigan Masha ismli qizaloq. U o‘rmonda yashovchi Ayiq bilan do‘stlashadi. Ayiq — tinchlikni sevuvchi, sabrli va mehribon obraz. Har bir seriyada Masha Ayiqning hayotiga qandaydir chalkashlik olib kiradi, lekin oxir-oqibat ular har doim muammoni birgalikda hal qilishadi.
Multfilmda do‘stlik, sabr-toqat, mehr-oqibat va hazil bilan qilingan saboqlar muhim o‘rin egallaydi. Vizual jihatdan ham u rang-barang va bolalar uchun qiziqarli tarzda ishlangan.
Bugungi kunga kelib, “Masha va Ayiq” 100 dan ortiq mamlakatlarda namoyish etilgan, YouTube’da milliardlab tomosha qilingan va ko‘plab tilarga tarjima qilingan. U hatto “eng mashhur bolalar multfilmlaridan biri” deb e’tirof etilgan.
Izoh (0)