Qashqadaryo viloyatining Muborak tumanida joylashgan manzil-koloniyada tok urgan mahkum vafot etgan. Bu haqda “Daryo” manbasi xabar berdi.
Manbaga ko‘ra, mahkum kecha 19-noyabr kuni hayotdan ko‘z yumgan.
“Marhum qilgan jinoyati uchun Muborak tumanidagi 33-sonli manzil-koloniyada jazo muddatini o‘tayotgandi. Biroz avvalroq uni tok urgan. Shundan so‘ng shifoxonaga olib borishgan. U yerda mahkumda OITS ham borligi ma’lum bo‘lgan. Mahkum 19-noyabr kuni vafot etdi, deydi manba.
“Daryo” axborotga aniqlik kiritish maqsadida Ichki ishlar vazirligi axborot xizmati yordamida Jazoni ijro etish muassasalari axborot xizmatining Shahrizod ismli mas’uli bilan bog‘landi. Holat haqida bildirib, aniqlik kiritish masalasida ko‘mak so‘radi.
Mas’ul hozircha voqeadan xabari yo‘qligini, biroq surishtirib tez orada aniqlik kiritib, tahririyatga ma’lumot berishini aytdi. Ammo va’da bajarilmadi.
Izoh (0)