Turkiya tashqi ishlar vaziri Xoqon Fidan Rossiya prezidenti Vladimir Putinning yadro quroli haqidagi bayonotlariga jiddiy qarashga chaqirdi.
“Rossiya prezidenti Vladimir Putinning yadroviy ritorikasini faqat tahdid sifatida ko‘rish o‘ta sodda yondashuv bo‘ladi. Qo‘llash mumkin bo‘lgan barcha oddiy qurollar Ukrainada allaqachon qo‘llanilgan, ammo urush tugamagan. Bu holatda yo tinchlik o‘rnatiladi yoki vaziyat butunlay izdan chiqib ketadi. Shuning uchun ham Putinning yadroviy bayonotlariga jiddiy kerak”, degan Xoqon Fidan.
28-noyabr kuni Putin agar Ukraina yadroviy qurolga ega bo‘lsa, Rossiya Federatsiyasi barcha yo‘q qilish vositalaridan foydalanishga majbur bo‘lishini aytgandi. U, shuningdek, Rossiya Ukrainaning yadro maqomiga ega bo‘lishiga yo‘l qo‘ymasligiga ishora qilgan.
Putin, shuningdek, mamlakat “dushman” harakatlariga javoban “Oreshnik”ning jangovar sinovlarini davom ettirishini aytdi.
Uning qayd etishicha, Kiyev bir necha bor Moskva va Sankt-Peterburgdagi davlat ahamiyatiga molik nishonlarga hujum qilishga uringan. Putinga ko‘ra, bunga javoban Bosh shtab va Mudofaa vazirligi Ukraina hududidagi “Oreshnik” tomonidan yo‘q qilinadigan nishonlar ro‘yxatini tuzmoqda.
Putinning so‘zlariga ko‘ra, Rossiyada “Oreshnik”ka o‘xshash, foydalanishga tayyor yana bir qancha komplekslar mavjud. Uning qo‘shimcha qilishicha, “Oreshnik”ning kuchi yadro qurolidan foydalanish bilan taqqoslanadi.
Izoh (0)