Toshkentda metallni qayta ishlash zavodida qariyb 27 mlrd so‘mlik “svet”dan noqonuniy foydalanildi
Toshkent shahrida metallni qayta ishlash zavodi 26,9 milliard so‘mlik elektr energiyasidan noqonuniy foydalangani fosh etildi. Bu haqda “O‘zenergoinspeksiya” matbuot xizmati xabar berdi.
Foto: “O‘zenergoinspeksiya” matbuot xizmati
Maʼlum qilinishicha, Yashnobod tumanida joylashgan “K.Y.A.” MCHJga qarashli metallni qayta ishlash zavodining elektr hisoblagichiga tashqi taʼsir ko‘rsatilib, elektr energiyasidan noqonuniy foydalanilgan.
Foto: “O‘zenergoinspeksiya” matbuot xizmati
Ushbu qoidabuzarlik natijasida davlat manfaatlariga 26 mlrd 945 mln so‘mlik zarar yetkazilgan.
Foto: “O‘zenergoinspeksiya” matbuot xizmati
Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Energiya resurslaridan noqonuniy foydalanish holatlari ortib bormoqda
O‘zbekistonning turli hududlarida energiya resurslaridan noqonuniy foydalanish holatlari aniqlanmoqda. Ushbu holatlarning aksariyatida miqdor mlrd so‘mdan ortiq. Xususan, Sirdaryoda 683 mln so‘mlik “svet”dan noqonuniy foydalangan shaxs ushlangan edi.
Shuningdek, Sirdaryodagi maishiy xizmat ko‘rsatish shoxobchasida 325 mln so‘mlik “svet”dan noqonuniy foydalanilgani aniqlangandi. Shu bilan birga, Qoraqalpog‘iston Respublikasi va Toshkentda jami 2 mlrd so‘mlik “svet”dan noqonuniy foydalanilgani haqida xabar berilgan edi.
Bundan tashqari, Angrendagi metan zapravkada 1,1 mlrd so‘mlik elektr energiyasidan noqonuniy foydalanilgani aniqlangan.
Izoh (0)