Interpol odamlar orasida “Ravshan Zolotoy” nomi bilan tanilgan Ravshan Muhitdinovni ham qidiruvga bergani ma’lum bo‘ldi.


37 yoshdagi Ravshan Muhitdinov O‘zbekiston Jinoyat kodeksining 173-moddasi 3-qismi (mulkni qasddan yo‘q qilish yoki shikastlash) 242-qism 2-qismi (jinoiy uyushma tashkil etish), 277-moddasi 3-qismi (bezorilik) bilan ayblanmoqda.
Ravshan Muhitdinov 1988-yilda Toshkentda tug‘ilgan. U yoshligidan Ravshan “Zolotoy” nomini olgan. O‘zbekistonlik taniqli tadbirkor G‘ofur Rahimov uning tog‘asi ekani aytiladi. Muhitdinov tog‘asi G‘afur Rahimovga nisbatan tazyiqlar kuchaygan davrda og‘ir jinoyatlarda ayblangan va mamlakatni tark etgan.
Shu bilan birga, Interpol “O‘zbekiston metallurgiya kombinati” AJning sobiq boshqaruvi raisi Dilshod Ahmedovni ham xalqaro qidiruvga bergan. Dilshod Ahmedov “O‘zmetkombinat”ga 2024-yil 16-oktyabrda boshqaruv raisi etib tayinlanib, 2025-yil avgust oyida lavozimidan ozod etilgandi. Undan avval u investitsiyalar, sanoat va savdo vaziri o‘rinbosari, “O‘zmetkombinat” AJ boshqaruvi raisining birinchi o‘rinbosari kabi lavozimlarda ishlagan.