HBO (Amerika pullik televideniye tarmog‘i) Garri Potter haqidagi yangi serialda bosh rollarni ijro etuvchi aktyorlarni eʼlon qildi. Asl filmlardagi kabi, rollar hali maktabni tugatmagan yosh isteʼdodlarga topshirildi. Shu sababli Arabella Stenton, Dominik Makloklin va Alaster Staut bevosita suratga olish jarayonida o‘qishni davom ettirishlari kerak bo‘ladi.
Taʼlim muassasasi Uotforddagi Warner Bros. studiyasida tashkil etiladi, u yerda suratga olish ishlari shu yilning o‘zida boshlanadi. HBO bosh direktori Keysi Bloysning aytishicha, loyiha 10 yil davom etadi va hozir 9–11 yoshli bolalar o‘smirlik davrlarini treylerda o‘tkazib, bir vaqtning o‘zida replikalarni yodlash va imtihonlarga tayyorgarlik ko‘rish bilan band bo‘ladi.
“Bu, aslida, fan o‘qituvchilari bilan jihozlangan bir qator sinfxonalardan iborat bo‘lgan maktabga o‘xshaydi. O‘qituvchilar bolalarni kichik maktabdagi kabi sinfdan sinfga olib yurishadi. Bunday muassasani tashkil etishni boshlaganingizda sizga rahbariyat kerak bo‘ladi: direktor, o‘quv ishlari bo‘yicha direktor, individual repetitorlar. Bu suratga olish maydonida bir oy davomida har kuni bir necha soat davomida bir-ikki bolaga eʼtibor beradigan oddiy repetitorga qaraganda ancha murakkab vazifa”, dedi Simply Learning Tuition xususiy repetitorlik agentligining hammuassisi Nataniel MakKallah.
Yangi Garri, Ron va Germionadan tashqari, HBO franshizadagi mashhur rollarni ijro etadigan boshqa aktyorlarni ham eʼlon qildi. Ular orasida Dambldor, Minerva Makgonagall, Severus Sneyp, Xagrid va boshqalar bor.
Izoh (0)