“Issiqlikta’minoti” AJ rahbariyati O‘zbekistonda issiqlik ta’minoti obyektlarini qurishga 500 mlrd so‘m ajratilganini ma’lum qildi.
Xabar qilinishicha, 2025-yilda investitsiya dasturi doirasida respublika byudjeti mablag‘lari hisobidan issiqlik ta’minoti obyektlarini qurish, rekonstruksiya va modernizatsiya qilish uchun 500 mlrd so‘m mablag‘ ajratildi.
Investitsiya dasturi doirasida respublika byudjeti mablag‘lari hisobidan 2025—2029-yillarda issiqlik tizimlaridagi eskirgan 103 ta qozonxona va 1,632 ming km issiqlik tarmoqlarini, shu jumladan, 2025—2026-yillarda 18 ta qozonxona va 258 km issiqlik tarmoqlari yangilanadi.
Hududlardagi 8 ta qozonxona va 80 km issiqlik tarmoqlarida qurilish va modernizatsiya ishlari, 25 ta “Yangi O‘zbekiston” massivlarida qozonxona va issiqlik tarmoqlari qurish ishlari amalga oshirilmoqda.
Loyihalarni amalga oshirish natijasida hududlardagi 35 mingdan ortiq xonadondan iborat 1 084 ta ko‘p qavatli uylar va 110 ta ijtimoiy soha obyektlarini issiqlik energiyasi bilan ta’minlash ko‘zda tutilgan. Shu bilan birga, issiqlik ta’minoti tizimini “yopiq” tizimga o‘tkazish uchun qo‘shimcha 50 mlrd so‘m mablag‘lar ajratiladi.
Davlat-xususiy sheriklik asosida 9 ta loyiha, jami quvvati 756 MVt bo‘lgan 8 ta qozonxona va 403 km issiqlik tarmoqlarini modernizatsiya qilish, 2 105 ta individual issiqlik punktlarini o‘rnatish rejalashtirilgan.
Loyihalarni amalga oshirish natijasida hududlardagi 83 mingdan ortiq xonadondan iborat 1 850 ta ko‘p qavatli uylar va 418 ta ijtimoiy soha ob’yektlarini issiqlik energiyasi ta’minotini yaxshilash ko‘zda tutilgan.
Joriy yilda davlat-xususiy sheriklik asosida Nukus va Buxoro shaharlari issiqlik ta’minoti tizimlarida bir vaqtning o‘zida ikki turdagi energiya ishlab chiqarishni nazarda tutuvchi kogeneratsiya texnologiyalarini joriy etish bo‘yicha loyihalarga start beriladi.
Loyihalarni amalga oshirish natijasida hududlardagi 121 mingdan ortiq xonadondan iborat 2 634 ta ko‘p qavatli uylar va 480 ta ijtimoiy soha obyektlarini issiqlik energiyasi ta’minotini yaxshilash ko‘zda tutilgan.
“Issiqliktaʼminoti” AJ prezidentning 2025-yil 11-martdagi qarori bilan Qurilish va uy-joy kommunal xo‘jaligi vazirligi huzurida tashkil etilgandi.
“Issiqlikta’minoti” AJga quyidagi vazifalar yuklatilgan:
- tarkibidagi tashkilotlarning tarif siyosatini yuritish;
- operasion samaradorlikni oshirish, raqamlashtirish, kadrlar malakasini oshirish;
- davlat-xususiy sheriklik loyihalarini muvofiqlashtirish hamda ularning bajarilishini nazorat qilish;
- loyihalar doirasida belgilangan samaradorlikning eng muhim ko‘rsatkichlari (KPI) ijrosini monitoring qilish;
- “Issiqlikta’minoti” AJ huzurida mas’uliyati cheklangan jamiyat shaklidagi buyurtmachi xizmatini tashkil etish;
- injiniring kompaniyasining nizomini ishlab chiqish hamda tasdiqlash.
Izoh (0)