Londonning “Arsenal” klubi Chempionlar Ligasi yarim finalida mag‘lub bo‘lib, musobaqa bilan xayrlashdi. Bu natija orqali ular o‘zi qatnashgan kubok musobaqalarining yarim final bosqichida mag‘lubiyatga uchrash orqali o‘ziga xos antirekord qayd etmoqda. Bu haqda statistik ma’lumotlari bilan mashhur Opta Sport portali xabar bermoqda.
Bungacha “Arsenal” 2021/2022 va 2024/2025-yilgi mavsumlarda Angliya Kubogi yarim finalida ham imkoniyatni boy bergan. Shuningdek, klub 2020/2021-yilgi mavsumda UEFA Yevropa Ligasi yarim finali bosqichida ham mag‘lubiyatga uchragan. Hali hech qaysi klub mazkur bosqichda bunday uzoq muddatli mag‘lubiyatli seriya qayd etmagan.
Ma’lumot uchun, “to‘pchilar” joriy mavsumgi UEFA Chempionlar Ligasi yarim final bosqichida “PSJ”ga qarshi ikki o‘yinda ham mag‘lub bo‘ldi. “Kanonirlar” Parij klubiga umumiy 1:3 (birinchi o‘yin – 0:1, javob uchrashuvi – 1:2) hisobida imkoniyatni boy berdi.
Eslatib o‘tamiz, Angliya Premyer Ligasining 35-turidan keyin “Arsenal” musobaqa jadvalida 2-o‘rinni egallab turibdi. Londonliklar bu mavsum ham chempion bo‘lish imkoniyatini qo‘ldan chiqardi.
UEFA Chempionlar Ligasi final uchrashuvi 31-may kuni Germaniyada bo‘lib o‘tadi. Unda “PSJ” va “Inter” klublari to‘qnash keladi. Uchrashuv 00:00 da (Toshkent vaqti bilan) boshlanadi.
Izoh (0)