Madridning “Real” klubi bosh murabbiyi Karlo Anchelotti o‘zining klubdagi kelajagi borasida fikr bildirdi.
Italiyalik mutaxassis mavsum yakunlangach, o‘zining kelajagi muhokama qilinishini aytdi:
Men kelajagim haqida hozircha hech nima demoqchi emasman. Chunki klub bilan shartnomam bor. Mavsum yakunlansa, keyin ketish yo qolishimni keyin muhokama qilishimiz mumkin. Klub meni har doim qo‘llab-quvvatlaydi, ayniqsa og‘ir pallalarda ular men bilan ekanligidan xursandman, deydi Anchelotti.
Avvalroq, italiyalik murabbiy mavsum yakunida “Real”dan bo‘shatilishi mumkinligi haqida xabarlar paydo bo‘lgandi.
Eslatib o‘tamiz, Karlo Anchelotti 2021-yildan beri “qirollik klubi”ni boshqarib kelmoqda. Uning “Real” bilan amaldagi shartnomasi 2026-yilgacha mo‘ljallangan.
Ma’lumot uchun, Chempionlar ligasi chorak finalining birinchi bahsida Anchelotti jamoasi “Arsenal”ga 0:3 hisobida mag‘lub bo‘ldi. Shundan keyin mutaxassis ishdan ketishi haqida mish-mishlar tarqalgan edi. Ushbu jamoalar o‘rrtasidagi javob o‘yini 16-aprel kuni bo‘lib o‘tadi.
Izoh (0)