Probatsiyani amalga oshirishga ko‘maklashgan shaxslar rag‘batlantirilishi mumkin, deb xabar bermoqda Adliya vazirligi.
Prezidentning ayrim hujjatlariga o‘zgartirish va qo‘shimchalar kiritildi. Unga ko‘ra, Ichki ishlar vaziriga quyidagi rag‘batlantirish choralarini qo‘llash huquqlari berildi:
- probatsiyani amalga oshirishga ko‘maklashgan davlat organlarining, muassasalarining va tashkilotlarining xodimlarini, shuningdek, fuqarolarning o‘zini o‘zi boshqarish organlarini, nodavlat notijorat tashkilotlarni hamda fuqarolarni rag‘batlantirish;
- jamoat xavfsizligini ta’minlashda o‘zining munosib hissasini qo‘shgan ichki ishlar organlari xodimlarini lavozim maoshining 1 baravarigacha bo‘lgan miqdorda bir martalik mukofot bilan rag‘batlantirish.
“Probatsiya” odatda jinoyat sodir etgan shaxslarning jazo o‘tashidan oldin yoki o‘rniga qo‘yilgan kuzatuv va maslahatlar davrini anglatadi. Bu davrda, shaxslar ko‘pincha jinoiy harakatlarining natijasida ham jamiyatga qaytishlariga yordam beradigan mutaxassislar yoki tashkilotlar tomonidan nazorat qilinadi.
Shunga ko‘ra, “Probatsiyani amalga oshirishga yordam berganlar” deganda, probatsiya jarayonida ishlovchi mutaxassislar yoki tashkilotlar nazarda tutilgan bo‘lishi mumkin.
O‘zbekistonda probatsiya bo‘linmalari xodimlari vakolati kengaytirilishi aytilgan edi. Ma’muriy javobgarlik to‘g‘risidagi kodeksning 248-moddasi to‘rtinchi qismiga qo‘shimcha va o‘zgartirish kiritish orqali ichki ishlar organlarining 185-2 (sovuq qurolni yoki sovuq qurol sifatida foydalanilishi mumkin bo‘lgan ashyolarni olib yurish) va 187-moddalari (jamoat joylarida alkogol mahsulotini iste’mol qilish) bo‘yicha probatsiya nazoratidagi shaxslarga nisbatan ma’muriy huquqbuzarliklar to‘g‘risida bayonnoma tuzish vakolatini probatsiya xizmatining katta inspektori va inspektoriga berish normasi belgilangan.
Izoh (0)