Ko‘pchilik yangi mahsulotlarni xarid qilishni afzal ko‘rsa-da, ba’zi buyumlarni ishlatilgan holatda sotib olish yanada foydali bo‘lishi mumkin. Foydalanilgan buyumlar arzonroq bo‘lishi bilan birga, ba’zan ularning sifati ham yuqori bo‘ladi. Quyida yangi emas, balki ishlatilgan holda sotib olish yaxshiroq bo‘lgan 8 ta predmet haqida so‘z yuritamiz.
Bolalar kiyimlari va o‘yinchoqlari
Bolalar tez ulg‘ayadi, shuning uchun ularning kiyimlari va o‘yinchoqlari ko‘pincha deyarli yangi holatda saqlanadi. O‘tgan yilda bolani yaxshi isitgan kurtka keyingi yilda boshqa bolani xuddi shunday issiq saqlay oladi. Faqat bir mavsum davomida kiyilgan bolalar kiyimlari yoki kam o‘ynalgan o‘yinchoqlarni sotib olish nafaqat moliyaviy jihatdan foydali, balki ekologik jihatdan ham ma’qul variant hisoblanadi.
Kitoblar
“Har yili turli o‘quv dasturini o‘zida jamlagan kitoblarni, agar imkon bo‘lsa, ishlatilgan holda xarid qilish kerak. Ularni eski kitob do‘konlaridan topish mumkin. Albatta, foydalanilgandan so‘ng, mazkur kitoblarni boshqalarga sotish va oz bo‘lsa-da, daromad ko‘rish mumkinligi haqida ham o‘ylab ko‘rish zarur”, deydi savdo bo‘yicha mutaxassis Sara Skirboll.
Zargarlik buyumlari
“Zargarlik buyumlar kolleksiyangizni to‘ldirmoqchimisiz? Unda taqinchoqlar do‘koniga borishdan avval Lombard variantini ko‘rib chiqing. Sababi, u yerda saqlanadigan zargarlik buyumlari, ayniqsa, olmos va zumradlarni qayta sotish narxi juda past bo‘ladi”, deydi shaxsiy moliya tizimi bo‘yicha mutaxassis Tiago Pita.
Mebel
Yangi mebel xarid qilish qimmatga tushadi, ayniqsa u sifatli materiallardan tayyorlangan bo‘lsa. Qisqa muddat foydalanilgan mebelni sotib olishda asosan, sifatli va mustahkam mebellarga duch kelamiz va ularning yana bir necha yil xizmat ko‘rsata olishini amalda sinab ko‘rgan bo‘lamiz.
Elektr jihozlari
Smartfon, noutbuk yoki televizor kabi maishiy texnikalar yangi holatda qimmat bo‘lishi mumkin. Biroq qisqa muddat ishlatilgan elektronika ko‘pincha yaxshi holatda bo‘ladi va ularni arzonroq narxda sotib olish mumkin.
Sport anjomlari
Sport jihozlari ko‘pincha uzoq muddat foydalanilmaydigan anjomlar sanaladi. “Ko‘pincha odamlar yugurish yo‘lakchasini sotib olib, uni bir necha marta ishlatgach, burchakka qo‘yib, ustiga kiyim tashlab qo‘yishadi. Keyin esa katta joy egallagan keraksiz buyumdan onlayn platformalarda xalos bo‘lishni istashadi. Bunday paytda biz deyarli yangi holatdagi, ammo arzon narxdagi sport anjomlarini xarid qilish imkoniyatiga ega bo‘lishimiz mumkin”, deydi Ari Kimmelfeld — eski sport uskunalarini sotib olish, sotish va yetkazib berishga ixtisoslashgan onlayn-do‘kon asoschisi.
Interyer dekor buyumlari
Xonalarni bezatish uchun mo‘ljallangan dekorativ predmetlarni xarid qilish nafaqat iqtisodiy jihatdan foydali, balki ko‘pincha vintaj yoki antik buyumlarni topish imkonini beradi. Yangi dekor buyumlaridan ko‘ra ishlatilganlari ko‘proq tarixiy qiymatga ega bo‘lishi mumkin.
Izoh (0)