Xorazm viloyatida 1000 nafar ortiq fuqarolarni aldab, soxta treyderlik faoliyati bilan shug‘ullanib kelgan shaxs ushlandi. Bu haqda IIV matbuot xizmati xabar berdi.
Fuqaro Telegram’dagi treyding orqali pul ko‘paytirish guruhiga aʼzo bo‘lgan fuqaro o‘zini Muhammad deb tanishtirgan shaxs bilan muloqotga kirishadi.
Fuqaro yozishmalar davomida pullarini ko‘paytirish haqidagi gaplarga ishonib Muhammadning kartasiga 3,3 mln so‘m pulni o‘tkazib beradi. Shundan so‘ng Muhammad pul o‘tkazgan fuqaroni Telegram’dagi “qora ro‘yxat”ga kiritib qo‘yadi.
O‘zining aldanganini tushungan fuqaro IIOga murojaat qiladi. O‘tkazilgan tezkor tadbirda o‘zini Muhammad deb tanishtirgan shaxs Xorazm viloyati, Urganch tumanida yashovchi mutlaqo boshqa ism-sharifga ega bo‘lgan fuqaro ekani aniqlandi.
Gumonlanuvchining xonadoni ko‘zdan kechirilganda 10 dan ortiq planshet va noutbuklari, 96 ta telefon va 1171 ta bank kartalari, 343 ta SIM kartalari borligi aniqlandi.
Holat yuzasidan jinoyat ishi qo‘zg‘atilib, tergov harakatlari olib borilmoqda.
Qo‘lga tushayotgan soxta treyderlar
2024-yilning oktyabr oyi avvalida Toshkentda o‘zini treyder deb tanishtirib, o‘zganing 7 mln so‘mini o‘zlashtirgan shaxs ushlangandi. Shuningdek, Namanganda treyderlik bilan shug‘ullanishi aytib, o‘zganing 22 mln so‘mini o‘zlashtirgan shaxs ushlangani haqida xabar berilgandi. Bundan tashqari, Qashqadaryoda o‘zganing pulini aldov yo‘li bilan o‘zlashtirgan “treyder” ushlangan edi.
Izoh (0)