Professional boksning yarim o‘rta vazn toifasida WBA kamari uchun majburiy da’vogar o‘zbekistonlik Shahram G‘iyosovning raqibi aniq bo‘ldi Bu haqida Boxrec nashri xabar bermoqda.
Manbaga ko‘ra, Shahram “Wonderboy” G‘iyosov 12-aprel kuni Amerika Qo‘shma Shtatlarining Nyu-Jersi shtatida tashkil etiladigan professional boks oqshomida ringga ko‘tariladi. Unga oldinroq aytilganidek meksikalik bokschi emas, Argentina vakili Franko Maksimiliano Okampo raqib bo‘ladi.
Ma’lumot uchun, Shahram faoliyati davomida 16 ta professional jang o‘tkazib, ularning barchasida g‘alaba qozongan bo‘lsa, Okampo hisobida 17 ta g‘alaba va 2 ta mag‘lubiyat mavjud. G‘iyosov oxirgi jangini 2024-yilning 31-iyul kuni o‘tkazgan bo‘lib, unda o‘zining navbatdagi g‘alabasini qo‘lga kiritgan.
Atlantik Siti shahrida tashkil etiladigan boks turnirining markaziy jangi yarim o‘rta vaznda WBA chempioni Eymantas Stanionis hamda IBF chempioni Jeyron Ennis o‘rtasida kechadi. Shahram esa bo‘lajak jangida g‘alaba qozonsa, keyingi jangini aynan Ennis — Stanionis bahsi g‘olibiga qarshi o‘tkazadi.
Izoh (0)