O‘zbekiston farmatsevtik bozorida dori vositalarini ulgurji realizatsiyasi bilan shug‘ullanuvchi korxonalar soni 466 tani tashkil etishi ma’lum qilindi.
Keltirilishicha, ulgurji va chakana savdo bilan shug‘ullanuvchi kompaniyamiz tizimida 1480 dan ortiq ijtimoiy dorixona va dorixona shoxobchalari faoliyat yuritadi. Ushbu dorixonalarning 1384 tasi yoki 88 foizi qishloq hududlarida joylashgan.
2024-yil davomida 14 toifadagi shaxslarga kompaniya va uning tizimidagi jamiyatlarga qarashli dorixonalar orqali 408 716 ta resept asosida orqali 31 mlrd 755 mln so‘mdan ortiq dori vositasi va tibbiyot buyumlari bepul berildi.
Bundan tashqari, 2024-yil davomida kompaniyaning reimbursatsiya dasturiga ulangan dorixonalari orqali jami 4,6 mlrd so‘mlik dori vositalari bemorlarga elektron resept orqali bepul berildi. Reimbursatsiya dasturi doirasida gipertoniya va yurak ishemik kasalligi, qandli diabetning 2-turi, bronxial astma, o‘pkaning surunkali obstruktiv kasalligi bilan dispanser nazoratida turgan bemorlar oilaviy shifokorlariga murojaat etib, elektron resept asosida dorixonalardan 27 turdagi dori vositalarini bepul olishi mumkin.
Bugungi kunda kompaniyaga qarashli 89 ta, shundan Sirdaryo viloyatidagi 44 ta va Toshkent shahridagi 45 ta dorixona va dorixona shoxobchalari reimbursatsiya dasturiga ulangan. Kompaniya tizimidagi jamiyatlarga qarashli dorixonalarda ham reimbursatsiya dasturini o‘rnatish ishlari boshlab yuborilgan.
O‘zbekiston Ceoworld Magazine jurnalining sog‘liqni saqlash tizimi sifati bo‘yicha mamlakatlar reytingida dunyodagi 110 ta davlat orasida 36,26 indeks bilan 64-o‘rinni egalladi.
O‘zbekistonning qaysi hududida dori uchun eng ko‘p pul sarflanadi?
Aholi jon boshiga nisbatan to‘g‘ri keladigan eng yuqori xarajatlar quyidagi hududlarda qayd etilgan:
- Toshkent shahrida — 1,7 mln so‘m;
- Buxoro viloyatida — 746 ming so‘m;
- Samarqand viloyatida — 660,7 ming so‘m.
Eng kam xarajatlar:
- Qashqadaryo viloyatida — 308,9 ming so‘m;
- Qoraqalpog‘iston Respublikasida — 302,3 ming so‘m;
- Surxondaryo viloyatida — 289,5 ming so‘m.
Umuman o‘tgan yilda dori vositalari uchun eng katta xarajatlar:
- Toshkent shahri — 5 trln so‘m;
- Samarqand viloyatida — 2,6 trln so‘m;
- Farg‘ona viloyatida —1,5 trln so‘m.
Poytaxt ko‘rsatkichlari yirik tibbiyot muassasalarining aynan ushbu hududda joylashgani hisobiga shakllangan.
Respublika hududlari kesimida eng kam xarajatlar quyidagilarga to‘g‘ri kelmoqda:
- Jizzax — 536 mlrd so‘m;
- Navoiy — 490 mlrd so‘m;
- Sirdaryo — 442,5 mlrd so‘m.
Bunday axborotlar soliq organlarining ma’lumotlar bazasida nafaqat viloyatlar, balki har bir tuman va mahalla kesimida shakllanadi.
Izoh (0)