Real hayotdan uzilib qolgani uchun boshqa sayyoralikdek tasavvur uyg‘otadigan mashhurlar

Ko‘pchilik muxlislar, mashhur shaxslarning real hayoti haqida juda oz tasavvurga ega bo‘lgani uchun, ularni pufak ichida yashaydi, deb hisoblaydi. Baʼzi yulduzlar haqiqatdan shunchalik uzoqda yashaydiki, ular go‘yoki boshqa sayyoradan kelgan odamlardek ko‘rinadi.

Ledi Gaga

Ledi Gaga ruhlarni topishga yordam beradigan uskunani sotib oldi. Yo‘q, pop-ijrochi ular bilan uchrashishni xohlamaydi, aksincha, u sayohat va gastrollar paytida mehmonxona xonalari va pardozxonalarda ruhlar bor-yo‘qligini tekshirish uchun bu mo‘jizaviy uskunalardan foydalanadi. Ruhlarga ishonasizmi yoki yo‘qmi, lekin ularni topish uchun 39 000 dollar sarflash — bu juda ham g‘alati.

Nikolas Keyj

2009-yilda Nikolas Keyj o‘z sobiq biznes-menejerini sudga berdi, chunki aktyorning fikricha, menejer uni moliyaviy qiyinchilikka duchor qilgan. Keyingi sud jarayonida maʼlum bo‘ldiki, Nikolas, ikkita qasr, to‘rtta yaxta va ikkita albinos kobra sotib olgan va bularning barchasi u sudga bergan menejerining bunday xaridlar qilmaslik haqidagi maslahatlariga qaramay bo‘lgan.

Xelen Mirren

Xelen Mirren hech kimga qo‘ng‘iroq qilmaydi va o‘zi ham telefon qo‘ng‘iroqlariga javob bermaydi, chunki... buni qilishdan qo‘rqadi. Oh, bu qo‘rqinchli yangilik — telefon...

Patrik Styuart

2013-yilning 29-mayida ser Patrik Styuart umrida birinchi marta pitsa yegan. O‘shanda aktyor 72 yoshda edi. “Men uni hatto noto‘g‘ri ushlab turgandim”, deb tan oldi aktyor keyinroq Konan O‘Brayenning tok-shousida.

Lindsi Loxanning onasi

Baʼzida nafaqat mashhurlar, balki ularning qarindoshlari ham reallikdan uzoqlashadi. Lindsi Loxan 75 yil davomida Carvel muzqaymog‘ini bepul olish huquqini beruvchi kartani olgan 75 ta yulduzlardan biri bo‘ldi. Aktrisaning onasi Dina Loxanga bir kafeda bepul muzqaymoq berishdan bosh tortilganda, u politsiyaga qo‘ng‘iroq qildi. Maʼlum bo‘lishacha, ushbu kartadan faqat Lindsining o‘zi foydalanishi mumkin bo‘lgan, oila aʼzolariga bunday huquq berilmagan. Bu haqida Carvel kompaniyasi Loxan oilasi ko‘p yillar davomida kartadan noto‘g‘ri foydalangani haqida bayonot berdi.

Ariana Grande

Ariana Grande bir marta o‘z ijtimoiy tarmoqlardagi sahifasida o‘zini “yer yuzidagi eng mehnatsevar 23 yoshli odam” deb atadi. Aktrisa internet foydalanuvchilari uning past maosh oladigan ishlarda oilasini boqish uchun kurashayotgan odamlar, ehtimol, undan ham ko‘proq mehnat qilayotganini taʼkidlagandan keyin postni o‘chirdi.

Peris Xilton

Peris Xiltonning boyligi 45 million dollarni tashkil etadi va u haqiqatan ham qiyin vaziyatga duch kelmoqda. U 15 yildan beri bir xil ishni bajarayotganidan shikoyat qiladi! Bundan tashqari mehmonxona biznesining merosxo‘ri har qanday insonda bo‘lishi mumkin bo‘lgan barcha yomon narsalar uning boshiga tushganini aytadi.

Opra Uinfri

Bir marta o‘z tok-shousida Opra Rojdestvo sovg‘alari haqida maslahat berdi va bir tomoshabin 100 dollar atrofidagi byudjet uchun sovg‘a g‘oyasini so‘raganda, shok bo‘lgandek ko‘rindi. “Rojdestvo uchun atigi 100 dollar?”, deb hayron bo‘lib so‘radi Opra va 300 dollarlik hashamatli hammom sochiqlar to‘plamini maslahat bera boshladi.

Megan Markl

Megan Markl 2019-yilda Londonda “Qirol sher” multfilmining premyerasida ovozlashtirgan janubiy afrikalik aktyor bilan suhbatlashganini aytdi. “U mening shohona to‘yim tufayli janubiy afrikalik odamlar ko‘chalarda Mandela qamoqdan chiqqanda biz quvongandek quvonganlarini aytdi”, dedi Sasseks gersoginyasi. Shundan keyin filmdagi yagona janubiy afrikalik aktyor Megan bilan hech qachon uchrashmaganligini va uning shahzoda Garri bilan to‘yi Janubiy Afrikada katta voqea bo‘lmaganligini aytdi.

Biroq keyinroq maʼlum bo‘ldiki, premyerada Markl janubiy afrikalik kompozitor Leboxang Morake bilan uchrashgan, shuning uchun u uni nazarda tutgan bo‘lishi mumkin. Morakedan Meganning gapi to‘g‘rimi, deb so‘ralganda, u: “Men bu masalani sharhlay olmayman, chunki bu uch yil oldin bo‘lgan va bir daqiqadan kam davom etgan suhbatning tafsilotlarini eslay olmayman”, deb javob berdi.

Salma Xayek

Va so‘nggisi, Salma Xayekdan iqtibos: “Men har doim ko‘p bolali bo‘lishni xohlaganman, lekin birinchi farzandim, qizim Valentina tug‘ilganidan keyin, bu bilan to‘xtash kerak deb tushundim. Barcha bolalaring baxtli bo‘lishi uchun juda ko‘p mehnat qilish kerak. Agar siz pitsa tayyorlasangiz, bir bolan pishloqni yoqtirmasligi, boshqasi esa pomidorni yeya olmasligi mumkin. Bizning oshpazimiz esa baʼzida juda band bo‘ladi va charchagan ko‘rinadi”.