Farg‘ona viloyati hududlarida maishiy chiqindilarni to‘plash va olib chiqib ketish bo‘yicha xizmat ko‘rsatish uchun majburiy to‘lov tariflari tasdiqlandi. Bu haqda viloyat hokimligi xabar berdi.
Unga ko‘ra, 2025-yil 20-martda “Viloyat hududlarida maishiy chiqindilarni to‘plash va olib chiqib ketish bo‘yicha xizmat ko‘rsatish uchun majburiy to‘lov tariflarini qayta ko‘rib chiqish va tasdiqlash haqida”gi Xalq deputatlari viloyat kengashining qarori qabul qilindi.
Qaror bilan, hududlarda maishiy chiqindilarni to‘plash va olib chiqib ketish bo‘yicha xizmat ko‘rsatish uchun taklif etilayotgan majburiy to‘lov narxlari (tariflari) quyidagicha belgilandi:
Qattiq maishiy chiqindilar uchun:
- Aholiga (bir kishi uchun) bir oylik to‘lov summasi QQS siz shaharlar hududida 6696 so‘m, tumanlar hududida 5804 so‘m;
- Aholiga (bir kishi uchun) bir oylik to‘lov summasi QQS bilan shaharlar hududida 7500 so‘m, tumanlar hududida 6500 so‘m;
- Yuridik tashkilotlarga 1 m3 uchun QQS siz shahar-tumanlar hududida 100 580 so‘m;
- Yuridik tashkilotlarga 1 m3 uchun QQS bilan shahar-tumanlar hududida 112 650 so‘m.
Majburiy yagona tariflar Surxondaryo viloyatining barcha shahar va tumanlarida hamda Toshkent viloyatining ayrim hududlari uchun tasdiqlangani haqida xabar berilgandi.
2024-yil 1-apreldan xizmat ko‘rsatuvchi korxona tomonidan ko‘rsatiladigan sanitar tozalash xizmatlari qiymatiga nisbatan qo‘shilgan qiymat solig‘i hisoblash boshlandi. Shu sababli tariflar 12 foizga oshdi.
Izoh (0)