Ijtimoiy tarmoqlarda Ko‘kdala tumanidagi mahallalardan birining raisi ayol kishini kaltaklagani haqida xabarlar tarqaldi. Tuman hokimligi mazkur xabarlarga munosabat bildirdi.
Unda aytilishicha, joriy yilning 15-mart kuni Ko‘kdala tumandagi “ZUM” mahallasi raisi o‘zining yaqin qarindoshi bo‘lgan O.B.ning xonadonida bo‘lib turgan vaqtida o‘rtada kelib chiqqan o‘zaro kelishmovchilik tufayli jabrlanuvchi O.B.ga qo‘l ko‘targan.
Hozirda gumondor shaxsga nisbatan IIO tomonidan tergovga qadar surishtiruv ishlari olib borilmoqda. Surishtiruv hamda ekspertiza xulosasiga ko‘ra ushbu holat haqida yana qo‘shimcha ma’lumot berilishi ma’lum qilindi.
Toshkent shahrining Yakkasaroy tumanida fuqaroni urgan mahalla raisi ishdan olingan edi. Holat yuzasidan Ma’muriy javobgarlik to‘g‘risidagi kodeksning 183-moddasi (mayda bezorilik) bilan ma’muriy bayonnoma rasmiylashtirilgan.
Izoh (0)