Jahon san’atidagi ayrim voqeliklar, filmlar va aktyorlar bu yil 50 yoshni qarshilashiga ishonish qiyin. Ulardan ayrimlari esimizdan chiqib ketgan, ayrimlari esa biz bilan butun umrga qoladi. Qaysi filmlar 50 yil avval chiqqan, ammo biz ularni hamon sevib tomosha qilamiz? Qaysi aktyor va xonandalar 2025-yilda yubileyini nishonlaydi? 1975-yilda san’at olamida yana qanday e’tiborga molik voqealar yuz bergan edi? Quyida shu haqda so‘z yuritiladi.
“Neshvill” musiqiy komediyasi chiqdi
“Neshvill” — kantri musiqasi bilan bog‘liq bo‘lgan film, chunki uning hikoyasi musiqiy ansambl atrofida aylanadi. Ushbu film Oskarning “Eng yaxshi film” va “Eng yaxshi rejissyor” nominatsiyalariga nomzod bo‘lgan, lekin faqat bitta — Iʼm Easy qo‘shig‘i uchun yutib olgan. O‘sha paytda kantri muxlislari komediyani tanqid qilgan bo‘lsada, u sekin-asta 50-yil o‘tganidan keyin ham ko‘plab odamlar yaxshi ko‘radigan kult myuzikliga aylandi. 2012-yilda hatto shu nomdagi serial suratga olingan.
Maykl Jekson o‘zining birinchi xitlari to‘plamini chiqardi
1975-yilda Maykl Jekson yosh bo‘lishiga qaramay, “The Best of Michael Jackson” nomli xitlari to‘plamini chiqardi. O‘sha paytda uning bir nechta yakkaxon albomi bor edi. Ulardan to‘plamga 10 ta eng muvaffaqiyatli kompozisiya kiritgan. Garchi unda plastinka jamoatchilikka taʼsir qilmagan va xit-paradlarning cho‘qqilariga chiqmagan bo‘lsada lekin xonandaga muvaffaqiyatga tez orada erishgan.
Yeva Longoriya tug‘ilgan
“Umidsiz uy bekalari” yulduzi Yeva Longoriya 1975-yilning 15-martida tug‘ilgan. Mashhur serialda Gabriel Solis roli aktrisani keng tanitgan va “Oltin globus” mukofotining “Eng yaxshi ayol roli” nominasiyasiga loyiq deb topilgan.. U shuningdek, “Qo‘riqchi”, “Zo‘r damlar”, “U dunyolik kelin” va boshqa ko‘plab filmlarda rol ijro etgan. Yubileyiga qadar aktrisa ikkita restoran va poyabzal brendiga ega bo‘ldi, shuningdek, oshpazlik kitobini nashr etdi.
“Kakku uyasi ustidan ucha turib” romanining eng yaxshi ekranlashtirishlaridan biri suratga olingan
Kena Kizining shu nomdagi romani asosida suratga olingan Milosh Formanning “Kakku uyasi ustidan ucha turib” filmi 1975-yilda kinoteatrlarni portlatgan, 1976-yilda esa kino mukofotlarida haqiqiy shov-shuv keltirgan. U 6 ta “Oltin globus”, 5 ta “Oskar” va 6 ta “Britaniya akademiyasi” mukofotlarini qo‘lga kiritgan. Bu kabi muvaffaqiyatni 16-yildan keyin “Qo‘zilar sukunati” filmigina takrorlay olgan. Kartinada keyinchalik psixiatriya kasalxonasiga yuborilgan Rendi Makmerfi rolini afsonaviy aktyor Jek Nikolson ijro etgan.
Enrike Iglesias dunyoga kelgan
Ko‘pchilik bilmaydi, lekin ispan xonandasi Enrike Igletsias 50-yil oldin tug‘ilgan va “Enrike Martines” taxallusi ostida faoliyatini boshlagan, birinchi studiya albomini 1994-yilda Kanadada yozgan. U faoliyati davomida 70 ta ashula va 12 ta studiya albomi chiqargan.
“Titanik” filmi yulduzi tug‘ilgan
Mashhur aktrisa Keyt Uinslet 1975-yilda tug‘ilgan, o‘z debyutini esa 19-yildan keyin “Samoviy mavjudotlar” filmida ijro etgan . U “Aql va hissiyot” melodramasida Marianna Deshvud obrazi uchun o‘zining birinchi BAFTA mukofotini olgan. Lekin uning eng yulduzli roli “Titanik” filmidagi Roza Dyuitt Byukeyter roli bo‘lgan, bu rol unga nafaqat jahon miqyosida mashhurlikni, balki “Oskar” mukofotiga nomzodlikni ham keltirgan.
Izoh (0)