Ijtimoiy tarmoqlarda Buxorodagi maktablarda o‘quvchilar sovuq qurol olib yurgani haqida xabar tarqaldi. Viloyat Maktabgacha va maktab ta’limi boshqarmasi bunga izoh berdi.
Aytilishicha, Buxoro viloyatida o‘quvchilarning bo‘sh vaqtlarini samarali tashkil etish, ularni yot g‘oyalar ta’siridan himoyalash, o‘quvchi-yoshlar o‘rtasida huquqbuzarliklarning barvaqt oldini olish, ularning sodir etilish sabablari va shart-sharoitlarini aniqlash, tahlil qilish va bartaraf etish borasida tizimli ishlar amalga oshirib kelinmoqda.
Jumladan, har haftaning payshanba kunlari umumta’lim muassasalarida “Profilaktika kuni” etib belgilangan bo‘lib, shu kuni hamkor tashkilotlar bilan maktablarda “Tig‘” va “Davomat” tadbirlari o‘tkazib kelinmoqda.
Shuningdek, maktab o‘quvchilari davomati tizimli ravishda nazoratga olingan bo‘lib, muntazam darsga kelmaydigan o‘quvchilarni darsga qaytarish bo‘yicha maktab, oila, mahalla va huquq tartibot idoralari hamkorligi yo‘lga qo‘yilgan.
Xabarlarda keltirilgan o‘quvchilar bilan bog‘liq holatlar joriy yilning 15-fevralidan 15-mart kuniga qadar olib borilgan tadbirlar davomida aniqlangan bo‘lib, holatlarning har biri ota-onalar ishtirokida muhokama qilinib, ular o‘rtasida tushuntirish ishlari olib borilgan.
Bolalarni tarbiyalash va ularga ta’lim berish borasidagi majburiyatlarni bajarmagani uchun ota-ona yoki ota-ona o‘rnini bosuvchi vasiylarga nisbatan Ma’muriy javobgarlik to‘g‘risidagi kodeksning 47-moddasi qo‘llanilgan.
Maktabdagi janjallar
Avvalroq Sirdaryoda o‘qituvchi 1-sinf o‘quvchisini qo‘liga igna sanchish bilan jazolagani haqida xabarlar tarqalgandi. Surishtiruv davomida yuqoridagi holat tasdig‘ini topmagan.
Qashqadaryoning Shahrisabz tumanidagi maktabda o‘qituvchi 5-sinf o‘quvchisini urib jarohatladi. Qarshi shahridagi maktabda o‘qituvchi va o‘quvchi yoqalashgani tasvirlari tarqaldi. Algebra fani o‘qituvchisi va 10-sinf o‘quvchisi bo‘lgan ikki qiz o‘rtasida o‘zaro kelishmovchilik kelib chiqib, og‘zaki tortishib qolgan. Ularning xatti-harakatlariga chora ko‘rish uchun sudga berilgan.
Toshkentdagi maktabda ayol dastlabki ish kunida o‘quvchini kaltaklagani ham keng muhokamalarga sabab bo‘lgandi. Ayol jazolanib, maktab direktori ishdan olingandi.
O‘qituvchiga tazyiq o‘tkazish holatlari
2024-yilning oktyabrida Sirdaryo tumanidagi 2-maktabda ikki o‘quvchi qiz o‘qituvchini urgandi. O‘sha yilning aprelida Farg‘onada maktab o‘qituvchisi o‘quvchining qarindoshlari tomonidan kaltaklangandi. 2023-yilning mayida Farg‘ona viloyati Toshloq tumanidagi maktabning boshlang‘ich sinf o‘qituvchisi o‘quvchisining onasi tomonidan kaltaklangandi. Sentyabr oyida Surxondaryoda maktab direktori o‘qituvchining yaqin qarindoshlari tomonidan kaltaklangandi. Mazkur holatlar yuzasidan huquqbuzarlarga qilmishidan kelib chiqqan holda jazo choralari ko‘rilgan.
Shuningdek:
- Samarqandda ayol farzandining tarbiyasi haqida gapirgan o‘qituvchilarni haqoratladi
- Qashqadaryoda o‘quvchi o‘qituvchisiga tarsaki tushirdi
- “O‘qituvchiga hech qanday chora ko‘rilmagan”. Vazirlikning Qashqadaryodagi mansabdori ombudsman maʼlumotining bir qismini rad etdi
- O‘zbekistonda bir yilda 45 mingga yaqin maktab o‘quvchilarining ota-onalari javobgarlikka tortildi
Izoh (0)